اسكريبت جديد و كامل بقلم حنين عادل

يقولي لأ انتي عبيطة انا بحبك اكتر من ما بتحبيني انا بعشقك
اتمنيت اعيش معاه قصة حب زي بتاعت الروايات نخرج سوا ونتنطط تحت المطر ونعمل حاجات مچنونة انا مش صغيرة ولا حاجة انا بنيت علي حبي ليه احلام كتير كان نفسي احققها
يغني لي بحب يكون طاير بيا يدلعني في كل وقت وفي أي وقت كل ده انكسر ومعاه حاجات حلوة كتير في قلبي لما رد عليا.

مؤمن ايوه انجبرت عليكي اجبروني لأ وكمان أجبروني اقرب منك انتي... انتي اكتر حاجة كرهتها في حياتي
كنت مصډومة ومش عارفه ارد اقول ايه كل اللي حسيت بيه اني انهرت وانا بعيط بهيستريا وبقول 
ليه... ليه عملت ايه
قربت منه وكنت بقول كده وانا بضربه في صدره
مسك ايدي بكل قسۏة وزقني عالارض وقعت..
وخرج وكأن مافيش اي حاجة
ليه يا مؤمن ليه يبقي حبي هو سبب عذابي وكسرتي بس ليه پتكرهني كده انا عملت ايه لازم اعرف السبب انا قوية وهاقدر هاقدر اكمل واخليك تحبني
اي حد هايقول اني ما عنديش كرامة مافيش كرامة في الحب
وكرامة اي واحدة ست من كرامة جوزها
اي حد هايقول اني لازم اطلق منه بس ده روحي وانا ماصدقت بقيت مراته واحنا عندنا مافيش حاجة اسمها طلاق والطلاق ده عيبة وحاجة لو حصلت بتكون عار
الست المطلقة لو سلمت علي راجل في الشارع بيطلع عليهم كلام بتبقي عايشة في چحيم وانا مستحيل ايأس أو أفقد الأمل 
قومت روقت الشقة وطبخت ولبست بيجامة ورفعت شعري ديل حصان
استنيته كتير وانا رايحة جاية في الشقة زهقانة اتفرجت عالتليفزيون شوية والتليفون
اتأخر اوي.
حضرت العشا علي الترابيزة وعملت جو رومانسي وكنت جعانة واخيرا سمعت صوت مفتاحه في الباب
فرحت اوي لقيته داخل بيضحك ويغني ابتسمت تلقائيا لما عيني جت في عينه 
مستنياك من بدري نتعشي سوا
ضحك وغني مستنياك حبيبي بشوق كل العشاق
قرب مني وانا حاسه بريحة حاجة وحشة اوي اول مره اشمها منه
مؤمن انت حلوة كده ليه
ضحكت بخجل فقرب اكتر ومسكني من وسطني لكن لاحظت انه مش في وعيه عينه حمرا ومش متزن في وقفته وبيتمايل
حاولت ابعده