المحاضره الجاية كاملة
المحاضره الجاية كاملة
المحتويات
انت مش طبيعي بجد!
غمزلي بعيونه
وهو اللي يشوفك يبقي طبيعي
ا اي ايه ده ايه لو سمحت عيب كده وواتفضل يالا امشي من هنا ميصحش وجودك هنا ا انا عايشه لوحدي و...
شاورلي بايده وهو بيضحك
بس بس اي بلاعه وفتحت في وشي
اطلع برا لو سمحت
شال الماسك اللي كان علي وشه وهو بيدور بعينه علي حاجه مش فاهمه اي هي
هو في بيتزا مش كده
هه ا
قاطعني وهو بيسقف بحماس لما شاف البيتزا
ايوه بقي
وراح قعد علي الكنبه وهو بيفتح العلبه وبدء ياكل ولا كأنه في بيت خالته !!
قربت منه وانا بهبد رجلي بغيظ
البيتزا بتاعتي عااااا حرام عليك انا جعانه اي الطفاسه دي !
رفعلي عيونه وهو بياكل ببرود
تعالي كلي معايا في كتير
بصراحه مشوفتش في بحاحتك
حط أيده علي صدره بأمتنان
الله يكرم اصلك
ضړبت رجلي في الطربيزه وانا عامله نفسي امرأه قويه بس للاسف تقريبا كده والله اعلم رجلي اتكسرت
اتكلمت بآلم حاولت اداريه
ل لو سمحت أخرج برا بيتي ميصحش كده الناس تقول اي
محدش شافني اصلا
اوووف طب حرام يا استاذ يونس
طب ماشي هخرج بس بشرط
ايه هو !
تيجي معايا
نعم اجي معاك فين !
امممم رحله قصيره هتاخد مسافه العمر يادوب
لا ياعم الشاعر محتاجه وضوح اكتر من كده
ضحك بصوت عالي وهو بيتكلم من بين ضحكه
يعني بما أن مفيش حد يعرف غيرك أن انا رسام الليل فقولت استغل الفرصه واخدك معايا وانا برسم
استحااااااله انت مچنون
بلع اخر لقمه كانت في بوقه وشرب بعدها كوبايه البيبسي بتاعتي علي بوق واحد ورد بعدها
وماله كلنا مجانين
رديت بذهول
هار اسود انت خلصت الاكل بتاعي وكمان شربت كوبايه البيبسي بتاعتي
ادعي عليك بأيه كشفت راسي ودعيت عليك يا يونس يابن ام
كريمه
قالها بابتسامه بارده وانا بصيتله وانا بجز علي اسناني بغيظ وبشاورله بأيدي علي الباب
قام وقف مره واحده وقرب مني وانا تلقائي رجعت لورا
بصي بقي ياعسل انا لما بعوز اعمل حاجه بعملها وانا عايزك تيجي معايا وهتيجي معايا ديل !
فتحت بوقي بذهول ومره واحده شوحت بأيدي بعصبيه
انت عبيط واقع علي دماغك وانت صغير !
قفل عينه نص قفله وهو بيفتكر بحيره
اممممم لا مفتكرش بس ليه
بقولك اي متعصبنيش ويالا اتفضل أخرج من غير مطرود
وده ملفتش نظرك لحاجه
لا
اه ده انت مش بتفهم كمان
وماله الإنسان اصله جلده حنفيه
لا وانت الصادق أصله انسان برأس حمار وكلب وبخاخه
وماله الإنسان اصله كان قرد اساسا
دي نظريه خالتي ام احمد دي ولا اي !
مانتي بتشبهي الإنسان بحاجات غريبه من الصبح ومحدش اتكلم !
اللهم طولك ياروح
بص في الساعه بتاعته وهو بيقول بجديه
ربع ساعه وتكوني جاهزه
نعم وده طلب ولا أمر!
رد ببرود
أمر
ربعت ايدي وانا بهز رجلي بعصبيه
ولو منفذتش
قرب مني وهو بيهمس في ودني بكل غرور
مفيش قدامك غير انك توافقي لأن مفيش في قاموسي حد بيرفضلي طلب
رديت بعصبيه
يبقي انا هتكتب في قاموسك اني رفضت
ورفعت عيني في عيونه بتحدي
انا بقي مفيش في قاموسي حد قدر يجبرني علي حاجه مش عايزاها
ضحك ببرود
يبقي انا هتكتب في قاموسك اني قدرت
انت بتتحداني
اممممم حاجه زي كده
طب يالا اطلع برا وإلا هبلغ عنك واعرفهم انت مين !
اوك
متابعة القراءة
