رواية جديدة بقلم تسنيم
رواية جديدة بقلم تسنيم
المحتويات
لها جامد وردت عليها بزهق
والله ما فايقة لتريقتك دي
_ سهير قامت وقفت وشدت من عليها الغطا
قومي يلا عشان تطلعي لمرتات عمك تقوليلهم يبقوا ينزلوا يسلموا علي الناس
_ سهير خرجت برا وأميرة نفخت بصوت عالي
اووف
_ بعد مدة قامت من علي السرير وسحبت طرحتها وطلعت فوق رنت جرس الباب ودلال فتحت لها وضحكت بفرحة لما شافتها
_ أميرة ضحكت بالعافية وردت عليها
معلش بقا كلها شهر واخلص وافضي لكم
_ دياب خرج من اوضته ولمح طيف أميرة علي الباب ميادة قابلته بإبتسامة
صباح الخير العصر هيأذن
_ دياب بصلها ومردش قرب من الباب وحمحم عشان يبعدوا عن الباب عيونه اتقابلت مع أميرة ومية سؤال في عيونه أهمهم ليه مينفعش
أنا نازلة هاجي تاني
_ نزلت لنص السلم وافتكرت كانت طالعة ليه رجعت عشان تقولها في نفس لحظة نزول دياب والاتنين اتخبطوا في بعض دقات قلبهم كانت كفيلة تعرفهم قد ايه هما متلخبطين توتر كبير عصف بيهم وخصوصا أميرة
_ دياب افتكر كلامها وسابها ومشي أميرة أخدت نفس وبصت لدلال
_ دلال هزت راسها بموافقة وأميرة نزلت دلال قفلت الباب وضحكت
مكنش دلال أن ما كانوا بيحبوا بعض
_ ميادة شافتها وهي بتتكلم واستغربت حالتها
انتي بتكلمي نفسك يا دلال
_ دلال بصتلها واتكلمت
سهير بعتالنا عشان نبقي ننزل بتقول في ناس قرايبها جاين من البلد
ماشي
_ سهير رحبت بقرايبها بحفاوة وبعد مدة من قعادها معاهم قامت كلمت مسلم في الموبايل
مسلم تعالي أنا عايزاك
_ مسلم سألها باهتمام
في حاجة
_ سهير بصت لبنت كانت قاعدة برا في الصالة وضحكت وردت علي مسلم
تعالي بس وانت تعرف عايزاك ليه
_ قفلت معاه ودخلت لاميرة الاوضة
_ أميرة نفخت بضيق وبصتلها بتعب
يا ماما ارحميني بقا أنا من الصبح بعمل اللي انتي عايزاه وانا مش قادرة
أصلا وبعدين أنا سلمت عليهم مطلوب مني ايه اكتر من كده
_ سهير عقدت حواجبها بغيظ واتكلمت بعصبية
مطلوب منك تكوني ذوق شوية وترحبي بيهم خدي حنان واتكلمي معاها مش يمكن تبقوا صحاب
صحاب ايه بس ده انا مشوفتهاش غير مرتين ودي التالتة هنتصاحب امتي
_ سهير نفخت بضيق واتكلمت بغيظ من أسلوب أميرة
الله اعلم يمكن تشوفيها بعد كده كتير انتي تعرفي بكرة فيه ايه!
_ سهير سمعت صوت مسلم وضحكت مقدرتش تقف اكتر من كده جرت علي برا بفرحة واستقبلته بحفاوة مسلم اتحرج لما شاف قرايبهم ورحب بيهم
حمد لله علي السلامة نورتوا البيت
_ ردو عليه باحترام وحنان مرفعتش عيونها من عليه سهير شدته ودخلت المطبخ
اقعد معاهم علي لما اقدم لهم حاجة عشان أميرة معرفش مالها ومش راضية تخرج من أوضتها
_ مسلم ضيق عيونه عليها واتكلمت بعدم تصديق
انتي جيباني عشان اقعد معاهم
_ سهير بصتله بعتاب واتكلمت بضيق
يعني لا أنت ولا اختك عايزين تساعدوني مش عايزة منكم حاجة ربنا ما يحوجني لحد
_ مسلم قاطعها بزهق
بس خلاص عارفه أنا شغل الحريم ده هما خمس دقايق وهقوم أمشي
_ سهير ملامحها اتحولت من الشدة للحنية واتكلمت بتوسل
خليهم عشر دقايق
_ مسلم نفخ بضيق وسابها وخرج من المطبخ وهي وقفت تبص عليه بغيظ
_ خمس دقايق! ده ميلحقش يسلم عليها
_ هزت راسها باستنكار لتصرفاته وبدأت تجهز الضيافة مسلم خرج وقعد في كنبة منفردة وكانت قريبة من حنان وبعد وقت من السؤال عليه حنان بصتله وضحكت واتكلمت برقة
معدناش بنشوفك في البلد ليه نسيتنا
_ مسلم رد عليها بفتور
مليش حاجة في البلد عشان اروح لها شغلي واهلي هنا هروح ليه
_ حنان ردت عليه وهي بتعاتبه بعيونها
تسأل علي اهلك اللي هناك أو تشوف لك عروسة أوعي تكون هتاخد من بنات المصاروة دول لا من توبنا ولا شبهنا
_ مسلم بصلها بحدة ورد عليها بنبرة جافة
ولا هاخد من هناك ولا هاخد من هنا حد يجيب لنفسه وجه الدماغ..
_ حنان
متابعة القراءة
